ब्राह्मण सभा, पंडित वाडी, देशस्थ ऋग्वेदी ब्राह्मण संघ आणि अखिल भारतीय ब्राह्मण महासंघ यांच्या संयुक्त विद्यमाने श्रावणी विधीचा धार्मिक व सांस्कृतिक कार्यक्रम अत्यंत धार्मिक उत्साहात आणि भक्तिमय वातावरणात पार पडला. पंडित वाडी येथील श्री मंगल सभागृहात या विशेष कार्यक्रमाचे आयोजन करण्यात आले होते.
या श्रावणी विधीमध्ये परिसरातील सुमारे ५० ब्राह्मणांनी पूर्ण श्रद्धेने आणि शिस्तबद्ध पद्धतीने सहभाग घेतला. या प्रसंगी दिलीप गोडसे गुरुजी यांनी उपस्थितांना श्रावणी विधीचे पौराणिक महत्त्व, संध्येचे नियम आणि धार्मिक परंपरांविषयी अत्यंत सोप्या शब्दांत मार्गदर्शन केले. त्यांच्या अभ्यासपूर्ण मार्गदर्शनामुळे उपस्थितांना श्रावणीचे महत्त्व अधिक स्पष्ट झाले.
सर्व समाजातील बंधूंना या धार्मिक उपक्रमाचा लाभ घेता यावा, या उद्देशाने हा संपूर्ण कार्यक्रम पूर्णपणे विनामूल्य आयोजित करण्यात आला होता. सर्व संस्थांच्या प्रतिनिधींच्या सुयोग्य नियोजनामुळे आणि भाविकांच्या उत्स्फूर्त प्रतिसादामुळे हा श्रावणी विधीचा सोहळा अत्यंत मंगलमय वातावरणात पार पडला.
