राष्ट्रीय एकात्मता आणि सांस्कृतिक विविधतेला प्रोत्साहन देण्यासाठी, पीएम श्री केंद्रीय विद्यालय, आयुध निर्माणी, अंबरनाथ येथे क्लस्टर स्तरीय ‘एक भारत श्रेष्ठ भारत’ (EBSB) स्पर्धांचे यशस्वी आयोजन करण्यात आले. या महोत्सवात क्लस्टरमधील एकूण सात केंद्रीय विद्यालयांच्या विद्यार्थ्यांनी समूहगान, समूह नृत्य, प्रश्नमंजुषा आणि कला प्रदर्शनीमध्ये उत्स्फूर्त सहभाग नोंदवला.
कार्यक्रमाची सुरुवात दीपप्रज्वलनाने झाली. प्राचार्य मुकेश कुमार सिंह यांनी स्वागतपर भाषणात ‘एक भारत श्रेष्ठ भारत’ उपक्रमाचे महत्त्व अधोरेखित करत विद्यार्थ्यांना देशाच्या समृद्ध वारशाचा आदर करण्याचे आवाहन केले.
स्पर्धांमध्ये विद्यार्थ्यांनी अत्यंत दर्जेदार सादरीकरण केले. समूहगान स्पर्धेत पीएम केव्ही अंबरनाथ (शिफ्ट-२) ने प्रथम, केव्ही एनएडी करंजा ने द्वितीय, तर केव्ही मानखुर्दने तृतीय क्रमांक पटकावला. समूहनृत्य स्पर्धेत पारंपारिक लोकनृत्यांचे सादरीकरण करत पीएम श्री केव्ही अंबरनाथ (शिफ्ट-१) ने प्रथम, तर शिफ्ट-२ आणि केव्ही एनएडी करंजा यांनी अनुक्रमे द्वितीय व तृतीय स्थान मिळवले. उप-प्राचार्य निलेश अंबाडकर यांनी संचालित केलेल्या प्रश्नमंजुषा स्पर्धेत केव्ही एएफएस ठाणे (शिफ्ट-२) ने विजेतेपद मिळवले. केव्ही एनएडी करंजा आणि केव्ही एएफएस ठाणे (शिफ्ट-१) अनुक्रमे दुसऱ्या व तिसऱ्या क्रमांकावर राहिले. तसेच, कला प्रदर्शनीमध्ये विविध राज्यांचे हस्तशिल्प व मॉडेल्स सादर करत पीएम श्री केव्ही अंबरनाथ (शिफ्ट-२) ने प्रथम, तर केव्ही एएफएस ठाणे शिफ्ट-२ आणि शिफ्ट-१ ने पुढील क्रमांक पटकावले. कार्यक्रमाने विद्यार्थ्यांमध्ये ‘विविधतेत एकता’ आणि सांस्कृतिक समरसतेची भावना दृढ करण्याचे उद्दिष्ट यशस्वीपणे साध्य केले.
